Icesave

Fyrir mér snýst Icesave ekki um það hvort almenningur eigi að borga skuldir óreiðumanna eða hvort ríkið eigi að bera ábyrgð á einkafyrirtækjum.

Fyrir mér er þetta spurning um siðferði og mér finnst það siðferðilega vafasamt að stjórnvöld taki peninga úr þrotabúi landsbankans til að tryggja innistæður sumra en ekki annara. Í Animal Farm er talað um að sumir séu jafnari en aðrir og finnst mér sú samlíking eiga við hér.

Ég geri mér grein fyrir því að án neyðarlaganna var sú hætta fyrir hendi að allt íslenska bankakerfið hefði hrunið, en það breytir því ekki í mínum huga að það væri siðferðilega rangt að neita alfarið að taka nokkurn þátt í Icesave.

Þessi samningur virðist vera nokkuð góður og gefur okkur færi á því að geta staðið sæmilega upprétt eftir að hann verður samþykktur. Ég ætla því að segja já við Icesave.

Athugasemdir

[Sæmundur Bjarnason, 7.4.2011 kl. 06:01]

Alveg rétt. Og þetta er mjög mikilvægt mál. Eðlilegt að fólk geri grein fyrir sinni skoðun hér. Sumir vilja samt ekki segja neitt og leyna skoðun sinni og hvað þeir ætla að gera í þjóðaratkvæðagreiðslunni. Það ber auðvitað að virða líka.